15.3 C
Skopje
Wednesday, May 12, 2021

По седуммесечно одлагање, почнува судењето за изградбата на седиштето на ВМРО-ДПМНЕ

Најчитани вести

По седуммесечно одлагање, скопскиот Кривичен суд, конечно, го одобри второто обвинение за случајот „Талир“ на СЈО за изградбата на партиското седиште на ВМРО-ДПМНЕ.

„Советот за оценка на обвинителен акт, кој постапува по актот со НСК КО 15/18 од 22.11.2018, од Обвинителството означен како „Талир 2“, на 10 и 11 јули 2019 година одржа јавна седница во присуство на странките. По ценење на фактите и доказите изведени на седницата за оценка на обвинителниот акт, советот донесе решение со кое актот го одобри во целост, писмено го изработи и го експедира до странките“, соопшти судот.

Предметот треба да биде распределен на понатамошно постапување и ќе биде закажан термин за главна расправа.

Истрагата за овој предмет беше отворена во рокот од 18 месеци што го имаше СЈО, но обвинението е поднесено по истекување на рокот, поточно на 22 ноември 2018 година. Првото обвинение за „Талир“ беше оценето на 11 јануари 2019 година, но сè уште не почнала главната расправа.

Обвинението за изградбата на партиското седиште е за начинот на кој ВМРО-ДПМНЕ дошла до имот вреден 8,2 милиони евра, а е поднесено против бегалецот Никола Груевски и ексгенералниот секретар на Владата, Кирил Божиновски.

СЈО тврди дека фирмата „Бетон“ не смеела да влезе во партнерство со ВМРО-ДПМНЕ за изградба на белата палата бидејќи во 2011 и 2012 година, кога почнал да се гради објектот, градежната компанија, дури 75 отсто од приходите ги добила од државни тендери.

Повеќе вести

- Advertisement -spot_img

Најнови вести