По престрелката со двојно убиство блокиран пристапот кон Калето, укажана лекарска помош на повредениот

Едно лице со две прострелни рани е донесено вечерва во Универзитетската клиника за хируршки болести „Свети Наум Охридски“ каде му е укажана помош и е пуштено на домашно лекување.

Вечерва околу 20.15 часот со приватно возило е донесено лице на преглед во нашата клиника.  Констатирана е прострелна рана во предел на левото стопало и поголема рана во предел на десната потколеница. Раните се обработени, направени се потребните снимања, преврзани се и е поставена имобилизиција, по што лицето е пуштено на домашно лекување, односно не е задржано, изјавија за МИА од Градската болница.

Како што посочија, досега е донесено само едно лице во оваа клиника.