Општина Центар известува дека се расчистува просторот на објектот на поранешен „Технометал – Вардар“ близу улица Македонија. Сопственикот на „Буши Фашион“ и сопственик на објектот на поранешен „Технометал – Вардар“ започна со постапување по решението од Општина Центар и го расчистува просторот од некогашната компанија за трговија со мермер, челик, обоени метали и неметали, опрема, машини и друго.
„Буши“ неколкупати досега бил казнет, по што добил налог самостојно да ја расчисти депонијата и секојдневно да ја одржува хигиената. Откако ја купи зградата за да прави хотел, со месеци имаше купишта ѓубре, искршени стакла и прозорци, расфрлани даски и друг градежен матријал е сликата во строгиот центар на Скопје. Никој не се нафати да го исчисти затоа што имотот бил приватен. Лани имаше и пожар во кој се запали ѓубре.
Општината најавува дека и во наредниот период ќе продолжи со инспекциски контроли преку инспекцијата за животна средина за да не се повтори грдата слика и нарушувањето на мирот на станарите.
