По високите температури, нестабилно време со пороен дожд и грмежи

По високите температури од изминатиов период, од попладнево земјава е под влажна воздушна маса, којашто донесе пороен дожд, силен ветер и грмежи. Нестабилноста од запад премина кон централните и источните делови. Можна е појава на свлечишта и одрони, па се препорачува внимателно движење, особено покрај реките и суводолиците.

Силен дожд, ветер и грмотевици попладнево го зафатија Скопје и скопската котлина. Невреме со интензивен дожд за кратко време, силен ветер, поинтензивни електрични празнења и услови за појава на град ќе има и во ноќните часови.

Од УХМР препорачуваат внимателно движење, особено покрај реките и суводолиците, поради можна појава на опасни води и свлечишта.