17.8 C
Skopje
Saturday, July 31, 2021

Почнува вакцинирањето против ковид-19, први медицинските лица

Најчитани вести

Министерството за здравство денеска информираше дека од утре, во модуларната болница на Клиниката за инфективни болести и фебрилни состојби во Скопје, ќе започне вакцинирање против ковид-19 на здравствените работници кои работат во ковид центрите во цела држава. Вакцинацијата ќе почне во 10 часот, а прв ќе се вакцинира медицинскиот персонал кој работи на Инфективна клиника во Скопје. Пунктот во модуларната болница каде има 6 вакцинални позиции, ќе работи во две смени од 8 до 20 часот, а вакцинацијата ќе ја спроведуваат медицински тимови од Здравствен дом Скопје.

„Според утврдениот план, термините за вакцинирање ќе бидат на 10 минути.
Во текот на денешниот ден Националниот систем, до ковид центрите низ државата, испраќа списоци каде се наведени имиња на здравствени работници кои сакаат да се вакцинираат, со точен час и ден кога треба да дојдат да ја примаат вакцината во модуларната болница на КИБФС во Скопје. Ковид центрите треба повратно да ги потврдат листите. Секој здравствен работник кој ќе прими вакцина веднаш ќе му биде резервирана втора доза за ревакцинација, соопшти Министерството.

Вчера во нашата земја од Србија пристигнаа 4680 дози вакцини од производителот Фајзер. Со оваа пратка вакцини, имунизација ќе се споведува само во модуларната болница во Скопје. Со пристигнувањето на другите дози вакцини во државата, ќе се врши дистрибуција на вакцини низ останатите здравствени домови во земјава каде вакцинацијата ќе се спроведува во постоечките вакцинални пунктови. Според најавите на премиерот Зоран Заев, до крајот на месецот треба да пристигнат 200 илјади вакцини од кинескиот производител Синофарм. Пријавувањето на граѓаните за вакцинирање против ковид-19 се одвива преку интернет страницата vakcinacija.mk

Повеќе вести

- Advertisement -spot_img

Најнови вести