Поранешниот германски канцелар Герхард Шредер го тужи парламентот во обид да ги врати посебните привилегии што му беа одземени во мај, изјави неговиот адвокат.
Тој бара да му биде вратена функцијата во парламентот во тужбата поднесена во Управниот суд во Берлин, изјави неговиот адвокат во Хановер, Михаел Нагел, пишува ДПА.
Комитетот за буџет на германскиот парламент во мај донесе одлука дека Шредер, кој долго време беше предмет на жестоки критики во Германија поради неговите врски со Русија, мора да се откаже од правото на функција во Бундестагот, иако и понатаму има право на пензија и осигурување.
Адвокатскиот тим на поранешниот канцелар тврди дека е незаконска одлуката на буџетската комисија на Бундестагот да го прекине финансирањето на канцеларијата со кадри на кои Шредер има право и истата да ја укине, се вели во соопштението од адвокатската канцеларија кое го пренесува ДПА.
