Жителите на Полог денеска се разбудија од чад. Причината е пожарот што избувна на полноќ кај една депонија во општина Берверница, со која управува приватна фирма. Командирот на територијалната противпожарна единица Тетово, вели дека од раните утрински часови се на терен и прават се за да го локализираат пожарот, но дека е залудено со оглед на сувото време и веерот.
„Како што гледате и самите зад мене има пожар или голема депонија која во текот на ноќта и денеска продолжуваме да ја гаснеме, но димензиите на оваа депонија се големи и за капацитетот на тетовската противпожарна единица е невозможно затоа што досега напорно се работеше за да го изгасиме овој пожар. Апелирам и до другите институции за управување со кризи да ни помогнат бидејќи се работи за пожар од големи размери.“, вели Авни Ахмети од ППЕ Тетово.
Од општина Берверница, каде што се наоѓа оваа депонија, велат дека се запознаени со состојбата на терен и дека ги презеле сите неопходни мерки кои се под нивна надлежност.
Во меѓувреме, анкетираните граѓани велат дека утрото воздухот бил многу загаден и дека почувствувале мирис на запалена пластика. Ги затворија дури и прозорците за да не им влезе загадениот воздух во домовите.
„Воздухот е загаден секој ден, но немаме каде да одиме, јас сум од село, дојдоа во Тетово во болница, излегов во градот, но воздухот е загаден“
Јас сум од село, само што дојдов и ништо не забележав.
Мерачите на загаденоста на воздухот во Тетово од раните утрински часови покажуваат алармантна загаденост на воздухот и штетни честички.
