Минатата среда избувна пожар на брод кој превезувал речиси 4.000 автомобили од групацијата VW, а во моментот на несреќата се наоѓал во близина на Азорските Острови. Сите членови на екипажот се спасени благодарение на брзата интервенција на португалската морнарица, додека гасењето на бродот беше само делумно успешно.
Капетанот Жоао Мендес Кабесас им објасни на медиумите што се случува во моментов: „Пожарот стивна во последните часови бидејќи на бродот остана малку гориво“. Ова јасно покажува дека сите автомобили изгореле.
Кабесас претходно изјавил дека пожарот го „одржувале“ литиум-јонските батерии од електричните автомобили и дека со голема брзина се приближувал до резервоарите за гориво. Во секој случај, потребна била специјална опрема за гаснење на овој пожар, а и тогаш гаснењето на пожарот било тешко.
Според внатрешната е-пошта на Блумберг, на бродот имало 3.965 автомобили. Од нив, околу 1.100 се Порше, а 189 се Бентли. Остатокот отпаѓа на Volkswagen, Audi и Lamborghini, вклучувајќи ги и електричните модели.
Економистот Патрик Андерсон ја зголемил првичната проценка од 255 милиони долари штета на 282 милиони долари. Тој претпоставува дека изгореле 75% од автомобилите и зема кумулативна вредност на товарот од 376.675.000 долари, или 95.000 долари по автомобил.
Овде треба да се нагласи дека проценката не ги вклучува трошоците за санација на животната средина, штетата на бродот, обесштетувањето на екипажот и трошоците за самата спасувачка операција. Сеуште не е познато каде ќе се одвлече „Фелисити Ас“, дали во европските води или до Бахамите.
