92
Нема активно горење на пожарот кај Богданци, чад има на повеќе места и пожарот сè уште не е ставен под контрола, информираат од ЦУК.
Пожарникари од повеќе градови се сè уште на терен, се обидуваат да го заобиколат пожарот од сите страни за да го изгаснат. Доколку се разгоруваа пожарот на располагање стојат три авиони „Ер трактор“ на дирекцијата како и два хеликоптери на МВР.
Со огнената стихија, која досега проголта околу 500 хектари нискостеблеста деградирана шума и сува трева и која помина низ ветерниците над Богданци без да предизвика штета на нив, се борат шеесетина лица.
