0.8 C
Skopje
Sunday, January 23, 2022

Подмладоците на партиите ќе потпишат декларација за фер, слободни и демократски избори

Најчитани вести

Во организација на Институтот ОХРИД денеска ќе се одржи традиционалното потпишување декларација за фер, слободни и демократски избори меѓу претседателите на подмладоците на политичките партии.

Со овој чекор, како што наведува Институтот, подмладоците на политичките партии ќе ја покажат својата заложба за спроведување слободни, фер и демократски избори, како и за достоинствена и фер предизборна кампања, а воедно ќе ја искажат својата решителност да се борат против говорот на омраза и да промовираат намалување и отстранување на говорот на омраза во општеството.

-Потпишувањето на оваа декларација ќе пренесе јасна порака до целата македонска јавност дека младите политичари како идни носители на одлуки, имаат силна волја, капацитет и одлучност да бидат идни лидери и да создадат поинаква политичка култура, издигнувајќи го политичкиот дијалог на повисоко ниво, наведува Институтот ОХРИД.

Декларацијата за фер, слободни и демократски избори прв пат беше потпишана во 2014 година, а Институтот ОХРИД ја спроведува програмата „Политички дијалог помеѓу младите политичари“ од 2010 година. Програмата ги обединува сите активни политички подмладоци и нејзината цел е да негува и гради политичка култура и дијалог, но и да ги гради капацитетите, вештините и знаењата на младите политичари како идни лидери и носители на одлуки.

Настанот ќе биде јавен, церемонијален, но без публика, согласно рестрикциите наложени од корона пандемијата.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com