Пике: Знам дека Меси може да замине за без пари, но не сум загрижен

Share on facebook
Share on twitter
Share on whatsapp
Share on google
Share on linkedin
Share on email
Share on print

Жерард Пике ги потврди сториите кои велеа дека Лео Меси следното лето може да замине од Камп Ноу за без пари, но додава дека не е загрижен бидејќи Аргентинецот во голем број наврати ја покажал верноста кон Барса.

Весникот Ел Паис вчера објави дека во договорот на Лео Меси има специјална клаузула со која Аргентинецот секое лето може да стави крај на престојот на Камп Ноу.

Тоа значи дека напаѓачот во 2020 ќе може да замине од Барселона за без пари. Жерард Пике ги потврди написите, но посочи дека не е загрижен и изрази надеж дека Лео Меси ќе го носи дресот на „каталонците“ и на 40 години.

„Знам дека Лео Меси може да си замине на крајот од секоја сезона. Но исто така знам колку тој е верен на Барса па затоа не сум загрижен. За се она што има направено за клубот, тој заслужува да одлучува за сопствената иднина. Се надевам дека ќе продолжи да го носи дресот на Барса и на 40 години“ – вели дефанзивецот во раговор со емисијата „Ел ларгеро“ на СЕР.

Тој потоа откри и дека разговарал со Нејмар по пропаднатиот трансфер на Бразилецот.

„Имаше голема сапуница ова лето, веројатно тоа е нормално, но сега треба да свртиме нова страна. Разговарав со него, му посакав се најдобро, да има добра сезона и дека никогаш ништо не се знае, можеби следната годиона ќе има нова шанса да се врати“.

Џ.И.

Оставете коментар

Актуелно

@2019 – Новинска агенција ЖУРНАЛ. Сите права се задржани.

Димитрие Чуповски 4/2-11, Скопје, Република Македонија. Телефон: 02/3217-815
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.