Одржувањето на посакуваната телесна тежина за многумина не е лесна задача, а диететичарите 0 предупредуваат дека одредени работи можат дополнително да придонесат за зголемување на килограмите. Според Men’s Health, многу луѓе не знаат дека токму овие навики или појави можат да предизвикаат нагло дебелеење.
Сол
Внесувањето сол или натриум предизвикува несакано задржување на водата во нашето тело. Диететичарите предупредуваат дека ако јадеме многу солена храна неколку дена по ред, може наеднаш да се здебелиме. Најчеста грешка е фактот што многу луѓе не знаат дека храната што ја консумираат секој ден содржи многу повеќе сол отколку што мислат.
Менопауза
За време на менопаузата, метаболизмот на жените се забавува, квалитетот на нивниот сон се влошува, а апетитот им се зголемува. Секоја од овие појави придонесува за несакано дебелеење, предупредуваат диететичарите. Освен тоа, исчезнува и хормонот естроген, кој служи токму за одржување на оптимална телесна тежина, па килограмите се повеќе се таложат.
Земање одредени лекови
Земањето одредени видови лекови може да доведе до несакано зголемување на телесната тежина, објаснуваат диететичарите. Како што велат, најзастапени се апчиња за контрацепција, стероиди, бета-блокатори и лекови против мигрена.
Откажување од пушење
Цигарите се познати како потиснување на апетитот, па кога ќе престанеме да пушиме, веројатно ќе јадеме повеќе и ќе се здебелиме. Сепак, една студија од 2019 година покажа дека нема многу за што треба да се грижите бидејќи оние кои се здебелуваат по откажувањето од пушењето обично не добиваат значителна количина на тежина.
Недостаток на витамини или минерали
Причината за нагло зголемување на телесната тежина во некои случаи може да биде поврзана со недостаток на витамини или минерали во нашето тело. Имено, истражувањата покажуваат дека недостатокот на витамин Д, магнезиум и железо може драстично да влијае на намалувањето на нивото на енергија, а со тоа и на активностите со кои се занимаваме. Ако немаме енергија за тренинг, полесно ќе се здебелиме.
