-2 C
Skopje
Sunday, January 17, 2021

Петто издание на фестивалот „Востание“ во МКЦ

Најчитани вести

Со почеток од 19 часот во МКЦ ќе се одржи петтото издание на фестивалот „Востание“ во организација на Diehard Records & Booking. Годинава настапуваат четири домашни бендови, сите активни и со нови изданија. И за првпат кај нас ќе ја имаме честа да ги гледаме FIRST BLOOD! Формирани 2002 година во Сан Франциско, Калифорнија, Карл и неговата дружина носат бескомпромисен, моќен и суров хардкор-метал. За 17 години, тие имаат три студиски албуми и безброј турнеи низ целиот свет.

Домашните машини Shock Troopers имаа одлична година. „Глуво доба“ излезе на плоча преку Diehard records, промовираа во МКЦ и заминаа на европска турнеја. За само две години „Последен удар“ успеа да се постави како доста сериозен бенд. По одличното и-пи, летово го самоиздадоа албумот „Не сме како вас“ и ќе свират во живо на „Востание 5“! Short Fuse Hero по кратка студио пауза повторно на сцена. Во меѓувреме снимија ново и-пи и лансираа спот. Свежата крв Conspiracy го издаде својот деби албум Dehumanized пред неколку месеци.

Билети во претпродажба на билетарницата во МКЦ и онлајн преку bileti.mkc.mk. Како и сите досегашни востанија, за дизајните е задолжен Филип Тасевски – Фиц.

Повеќе вести

- Advertisement -

Најнови вести