Home » Петков свика вонредна седница на бугарскиот Совет за безбедност заради Украина

Петков свика вонредна седница на бугарскиот Совет за безбедност заради Украина

by Журнал.мк

Бугарскиот премиер Кирил Петков одржа вонредна седница на Советот за безбедност, соопшти владината прес-служба.

Како што јави дописникот на МИА од Софија, на седницата се разговарало за состојбите во регионот на Источна Европа и на Балканот во врска со ризиците кои произлегуваат од војната во Украина, како и можните сценарија за развојот на ситуацијата.

Министерот за одбрана, Драгомир Заков, истакнал дека позицијата на Бугарија во НАТО мора да биде јасна и предвидлива и дека тоа е насоката во која работат бугарските институции.

Премиерот Петков, од своја страна, ги повикал безбедносните служби да продолжат да даваат оперативни информации.

Во бугарското Народно собрание министрите за одбрана Драгомир Заков и министерката за надворешни работи Теодора Генчовска учествуваа на седницата на собраниската Комисија за надворешна политика, на која била презентирана актуелна информација од бугарските служби за безбедност за конфликтот во Украина и ризиците и заканите што произлегуваат од него на регионален и глобален план.

Според министерот Заков, Бугарија го штити својот воздушен простор со своите ловци МиГ-29, така што земјата нема можност никому да дава авиони.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More