2.8 C
Skopje
Tuesday, December 7, 2021

Пекол низ кој не би поминала ниту една друга жена: Еве зошто Бијонсе му ги прости на Џеј Зи за сите неверства

Најчитани вести

Иако Џеј Зи и Бијонсе се познати како еден од најмоќните парови во шоубизнисот, не е тајна дека раперот ја изневерувал неколку пати. Сепак, тие сè уште се во хармоничен брак, во кој, покрај другото, имаат три деца – деветгодишната Блу Ајви Картер и тригодишните близнаци Руми Картер и Сер Картер. Значи, логичното прашање е – зошто Бијонсе остана со Џеј Зи и покрај неговите љубовни врски во последните две децении.

Бијонсе беше наивна 18-годишна девојка кога го запозна славниот рапер кој во тоа време имаше 30 години. Кога се запознаа, тие беа само пријатели и соработуваа во деловни активности во неколку наврати, но никој не можеше да претпостави дека оваа врска ќе прерасне во нешто подлабоко. Додека сите мислеа дека Бијонсе и Џеј Зи се само соработници, парот всушност беше на почетокот на одлична романса. Покрај тоа, Џеј Зи беше првиот вистински дечко на убавата пејачка бидејќи Бијонсе отсекогаш била фокусирана исклучиво на нејзината кариера и имала само едно момче во средно училиште. Значи, таа практично не знаеше ништо за врските, па слободно можеме да кажеме дека Џеј Зи ја запозна со возрасниот живот, а пред да отидат на првиот состанок, тие беа пријатели нешто повеќе од една година. Ова беше исклучително важно за пејачката бидејќи сакаше да има близок пријател на кој може да се потпре во работата што ја работи. „Основата е многу важна за љубовната врска. Многу е важно да имате некој кој ви е драг, кому му верувате и кој е искрен со вас “, објасни пејачката во едно интервју.

Но, таткото на Бијонсе не беше среќен со изборот на својата ќерка. Всушност, тој беше бесен на Џеј Зи бидејќи раперот имаше афера со моделот Шенел Скот во времето кога започна врска со Бијонсе во која дури и добија син. Сепак, Бијонсе не се грижеше за ова, туку ја продолжи врската со раперот, а наскоро потоа беше лансиран и нивниот најголем сингл „Crazy In Love“ кој ја направи Бијонсе глобална sвезда и поп икона.

Парот конечно ја објави својата врска на доделувањето на MTV наградите во 2004 година. Изгледаа совршено заедно, а целиот Свет им завидуваше. Кој можеше да знае дека само една година подоцна оваа бајка ќе биде уништена. Бијонсе и Џеј Зи тајно раскинаа по гласините дека раперот „мати нешто“ со Ријана, проследен со вториот соло-албум на Бијонсе на кој се појавиле дури две песни за неверство – „Resentment“ и „Ring The Alarm“. Сепак, тие брзо ја обновија својата романса, како и деловната соработка, а потоа следеше свадбата во 2008 година, одржана во строга тајност пред само 30-тина луѓе. Притоа, тие го одбраа четвртиот ден од четвртиот месец како датум затоа што и двајцата беа опседнати со бројот четири, па дури и го имаа истетовирано овој број наместо бурма.

Иако многумина беа изненадени од овој настан, Бијонсе изјави дека не брза да се омажи. „Мислам дека пред да се омажиш мора да се запознаеш себеси, да знаеш што сакаш, да поминеш време со себе и да се гордееш со себе, бидејќи само тогаш можеш да го споделиш тоа со некој друг“, објасни таа.

И токму кога сè повторно изгледаше како да е бајка, парот помисли дека им недостасува само уште една работа – дете. И навистина, Бијонсе остана бремена и беше пресреќна, но на еден од прегледите докторот сфати дека срцето на детето повеќе не чука и дека пејачката имала спонтан абортус, што секако ја скрши. Таа рече дека тоа било најлошото искуство во нејзиниот живот и дека едвај го преживеала, но со помош на сопругот, кој ѝ бил најголема поддршка во оваа ситуација, успеала да се опорави. Само две години после тоа, се роди Блу Ајви, а пејачката призна дека ова искуство целосно ја трансформирало.

Сепак, потоа следеа гласини дека Џеј Зи ја изневерува Бијонсе со пејачката Рита Ора, а некои други женски фигури во музичката индустрија отворено изјавија дека раперот води љубов со нив. На крајот, се покажа дека сето ова не е само гласина и дека раперот навистина продолжил да ја изневерува својата сопруга, што доведе до тоа сестрата на Бијонсе, Соланж, да го нападне раперот со шишиња по настанот Мет Гала пред шест години, а видеото од овој инцидент сѐ уште кружи по интернет.

Бијонсе стоечки го издржа сето ова и не сакаше отворено да зборува за големите изневерувања на нејзиниот сопруг, но гневот го претвори во исклучително успешен албум „ Lemonade “ на кој се занимаваше исклучиво со неверства. Ова го поттикна раперот јавно да зборува за неговите прељуби и тој отворено рече дека е многу тешко да гледате како друго лице чувствува болка, додека во исто време знаете дека вие сте таа личност што ја предизвикало таа болка. Потоа започнале терапија за парови и нивните страдања ги претвориле во музичка соработка. „Ние навистина се сакаме и затоа решивме да го поминеме целиот тој пекол и да останеме заедно, наместо да се разделуваме“, објасни раперот. Нивните напори очигледно вродија со плод бидејќи Бијонсе остана бремена по втор пат, со близнаци. Додуша, породувањето беше опасно и за здравјето и на нејзините близнаци, но се чини дека ова беше уште една од оние ситуации што ја зближија двојката.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com