Нашето трпение се потроши повеќе и од инсулинските игли, лентите за мерење на шеќерот, глукомерите и исто како што и терапијата ни ја снемува по некој месец – стои во реакцијата на Сојуз на Здруженија на дијабетичари на Македонија.
Сојуз на Здруженија на дијабетичари велат дека се игнорирани, дискриминирани и понижени. Изразуваат револт и гнев, но и став дека е недозволиво осум месеци да нема инсулински игли, ленти, апаратчиња за мерење на шеќер. Револтирани се што на крајот на секој тендер и почетокот на нов тендер речиси по правило нема доволно инсулин и друга антидијабетична терапија. Каде е сега „пречката или проблемот“ и после 90 дена потпишани договори за набавка на Антидијабетна терпија ја нема – прашуваат пациентите со дијабет.
Според дијабетичарите, 136 илјади граѓани во оваа држава мака мачат, живеат под стериозен стрес и имаат секојдневни проблеми поради нивната хронична состојба – дијабетес.
