Home » Парламентарни избори утре во Израел – граѓаните ќе гласаат петти пат за 43 месеци

Парламентарни избори утре во Израел – граѓаните ќе гласаат петти пат за 43 месеци

by Журнал.мк

Израелците утре ќе гласаат на парламентарните избори, петти за 43 месеци, а според анкетите, трката ќе биде тесна и тешко е да се предвидат резултатите.

Осумпартиската „Влада на промени“ во заминување, се распадна откако го изгуби тенкото мнозинство и подлегна на идеолошките разлики што се обидуваше да ги избегне.

Сојузот на десничарските и верските партии се обидува да ја врати власта по година и пол во опозиција. Но, судејќи според анкетите, повторно може да се очекува политички ќорсокак, коментираат дел од израелските медиуми.

Израелскиот Парламент, Кнесетот, има идеолошки десничарско и религиозно мнозинство од околу 70 од вкупно 120 пратеници. Но, не е лесно да се формира стабилна коалиција, бидејќи има политичари кои одбиваат да бидат во влада предводена од поранешниот премиер Бенјамин Нетанјаху, лидерот на конзервативната партија Ликуд.

Нетанјаху е премиер со најдолг мандат во историјата на Израел, а сега од гласачите бара да му дадат уште една шанса, додека му се суди за корупција.

Премиерот Јаир Лапид се надева дека за време на неговиот краток мандат, покажал оти освен Нетанјаху, има и уште некој, кој може да ја води земјата.

Се очекува ниту партијата на Нетанјаху, ниту таа на Лапид – Јеш Атид што значи „Има иднина“, да освојат доволно места во Парламентот за да формираат нова влада.

Тие се надеваат дека ќе обезбедат мнозинство од 61 пратеник со помош на помали партии. Доколку не успее ниту едната, ниту другата партија, во Израел наскоро може да се одржат нови избори, по пет гласања за помалку од четири години.

На овие избори речиси 6,8 милиони Израелци со право на глас може да избираат меѓу 39 партии.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More