8.8 C
Skopje
Sunday, November 28, 2021

ОЈО Тетово работи на расчистување на случајот со пожарот во модуларната болница

Најчитани вести

Основното јавно обвинителство Тетово работи на расчистување на трагичниот настан во модуларната ковид болница во Тетово, во кој настан загинаа 14 лица. Од ОЈО Тетово информираат дека побарале документи од институции, од Клиничкиот центар во Тетово, од полицијата, документи за градба на болницата, елаборати, за да утврдат што се случило вечерта на 8 септември.

Од Министерството за здравство ОЈО побарало да се предаде целокупната документација за изградба на модуларната болница во Тетово. Од Обвинителството во Велес е побарано од правно лице во Велес, да се одземе целокупната документација по однос на градбата на модуларната болница во Тетово. Од Клиничката болница во Тетово, ОЈО побарало да достави дали има изготвено елаборат за складирање на хемикалии и горива, да се достави План за електрична инсталација на модуларната болница и елабортот за снабдување со кислород.

Во соопштението од ОЈО се вели и дека доставено наредба да се обезбедат документи и податоци за лицето кое било одговорно за раководење со изградбата, лицето кое имало овластување за надзор на градбата на модуланата болница, да се достави извештај дали е извршен технички прием и доколку е извршен – кој го извршил и кои лица ја изготвиле техничката спецификација за јавната набавка за модуларните болници изградени во Република Северна Македонија.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com