21 C
Skopje
Monday, May 17, 2021

Охридска банка стана австриска сопственост

Најчитани вести

Вчера е извршена промена на сопственоста на Охридска банка АД Скопје по утврдување на успешноста на понудата за преземање на акции издадени од Охридска банка АД Скопје од страна на Штаермеркише Банка и Шпаркасен АГ.

Како што соопштуваат од банката, Штаермеркише Банка и Шпаркасен АГ (Steiermärkische Bank und Sparkassen AG) друштво организирано, согласно австриското право, се стекна со 472.839 акции и 91,5733 отсто од гласачките права.

Оттаму појаснуваат дека групацијата Сосиете женерал, друштво организирано според француско право со седиште во Париз, ги продаде сите 384.844 акции издадени од Охридска банка АД Скопје и со тоа своето учество во акционерскиот капитал во банката го сведе на нула акции.

Оценуваат дека Охридска банка АД Скопје останува стабилен чинител во банкарскиот сектор, партнер на македонската економија, поддржувач на бизнисите, банка посветена на сите свои клиенти и вработени и банка ориентирана кон заедницата.

Деталите за преземањето на Охридска банка АД Скопје од страна на Штаермеркише банка и Шпаркасен АГ, како и идните планови на Банката ќе и бидат официјално презентирани на јавноста на 8 ноември 2019 година.

Повеќе вести

- Advertisement -spot_img

Најнови вести