27.8 C
Skopje
Sunday, August 1, 2021

Откриен е првиот вирус што ги напаѓа новите компјутери на Apple

Најчитани вести

Компјутерите на Apple долго време важеа за најбезбедни на интернет затоа што се веруваше дека не постои вирус кој може да го нападне нивниот оперативен систем.

Дека тоа не е така, знаеме веќе подолго време, а сега дојде и моментот сопствениците на најновата генерација на Mac да бидат загрижени.

Имено, откриен е првиот малвер кој ги погодува компјутерите на Apple со M1чипот. Иако Apple посвети доста внимание токму на безбедносните аспекти на новиот процесор, па компанијата доби и пофалби од поранешниот истражувач во NSA, Патрик Вордл, хакерите очигледно биле доста упорни.

Токму Вордл го откри малверот кој бил прилагоден за М1 процесорот. Злонамерната апликација GoSearch 22 добро им е позната на експертите за сајбер безбедност затоа што во себе содржи Pirrit малвер кој прикажува различни огласи и собира податоци од интернет пребарувачот.

Сепак, ова е првпат таков малвер да е целосно прилагоден за М1.

„Злонамерната апликација GoSearch 22 можеби е првиот пример на таков природно компатибилен код за М1. Создавањето на таква апликација е значајно од две причини. Прво, затоа што покажува дека злонамерниот код се развива како директен одговор на хардверските и софтверските промени од Купертино и второ, затоа што аналитичките алати и антивирусните програми ќе мора да се помачат за да го откријат“, напиша Вордл на својот блог.

Повеќе вести

- Advertisement -spot_img

Најнови вести