Избори ќе има во мај 2024 година заедно со претседателските и тоа е конечно, изјави синоќа министерот за надворешни работи Бујар Османи. Тој, во „Само интервју“ на Канал 5 посочи дека нема да има избори во наредниот период заради тоа што, како што рече, процениле оти тоа не е во интерес на граѓаните и државата. „Така што тоа треба да го тргнеме од маса и како можност за разговори’, рече Османи, додавајќи дека сега фокусот треба да се стави врз тоа како да се менаџира кризата.
Земјата, вели Османи, се наоѓа во економска криза и затоа, според него, треба да изнајде начин со опозицијата да има базичен договор за справување со кризата. „Проблемот во овој пристап е што политичките кариери се најважни во утврдување на политичките чекори на партиите“, рече Османи.
