2.8 C
Skopje
Tuesday, December 7, 2021

Османи: Европската перспектива на Западен Балкан – гарант за долгорочна стабилност и просперитет

Најчитани вести

Во рамки на официјалната посета на Република Косово, министерот за надворешни работи, Бујар Османи оствари одвоени средби со претседателката, Вјоса Османи-Садриу и претседателот на Парламентот, Глаук Коњуфца.

На средбите, како што соопшти МНР, се разговараше за иднината на регионот со фокус на регионалната соработка, при што Османи ја реафирмираше пораката дека евро-атлантската перспектива и интеграцијата на целиот регион останува недвосмислена определба на двете држави.

Наша заедничка амбиција е целосна интеграција на сите земји од регионот на Западен Балкан во Европската Унија. Во оваа насока, како земја-членка на НАТО и земја-кандидат за членство во ЕУ, подготвени сме да ги ставиме нашите стекнати знаења и искуства на располагање на нашите пријатели во Косово. Европската интеграција значи пред сè институционален и економски напредок, но уште повеќе, во својата суштина таа носи пријателство, солидарност и сигурност – вредности кои значат траен и долгорочен мир, стабилност и соодветно на тоа севкупен напредок како најзначајна потреба на нашите граѓани, нагласи Османи.

Шефот на дипломатијата додаде дека без оглед на предизвиците со кои се соочува, а согласно својот демократски и реформски исчекор, Северна Македонија за време на португалското претседавање со Советот на ЕУ, очекува одржување на првата Меѓувладина конференција со ЕУ, што, како што рече, ќе означи и почеток на формалниот процес на преговори.

-Северна Македонија очекува што поскоро формирање на Владата на соседна Бугарија, по што би се продолжило со заокружување на акцискиот план за соработка, а со тоа и зајакнување на билатералните односи и довербата меѓу Северна Македонија и Бугарија, порача Османи.

Меѓу другото, за време на средбите начелно се разговараше и за парламентарната соработка и учеството на припадници на Армијата на Северна Македонија во рамките на мисијата на КФОР во Косово.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com