10.8 C
Skopje
Sunday, September 26, 2021

Околу 15 илјади посетители на годинешниот Саем на книга

Најчитани вести

Саемот на книга по втор пат, поради пандемијата, се реализираше на отворен простор во комплексот на А1 Арена – СЦ Борис Трајковски. Издавачките куќи присутни на овогодинешниот саем на книга изразија задоволство од концепциската поставеност, континуитетот на саемот и безбедните услови за негово непречено одржување.

Според организаторите на Саемот, интересот за читање на сите видови литература е во постојан подем во последните неколку години што покажува и бројката на посетители, која во овие пандемиски услови достигна 15.000.

На саемот се претставија над 60 изложувачи, се организираа промоции на нови изданија и автори во Промотивниот центар и на штандовите на издавачите. За време на саемот на книга, се доделија и наградите од Македонската асоцијација на издавачи (МАИ), како и наградите од Здружението на издавачите и книжарите на Македонија (ЗИКМ).

-Дополнителен мотив за организирање на ваков настан е податокот дека домашните автори доаѓаат до израз, и радува фактот што младата популација и оваа година зазема значителен дел од вкупната бројка на посетители на саемот, посочуваат организаторите во соопштение.

Саемот е поддржан од Министерството за култура и Град Скопје.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com