1.8 C
Skopje
Friday, January 27, 2023

Од Србија никогаш не доаѓале толку отровни стрели, вели црногорскиот премиер Кривокапиќ

Најчитани вести

Црногорскиот премиер Здравко Кривокапиќ изјави дека во историјата на Црна Гора не е забележано за толку краток временски период „некој да испраќа толку отровни стрели до премиерот, претседателот на Собранието, како сега од Србија и дека на тој начин се обидуваат да ги прогласат за предавници“.

– Одговарајќи на слично прашање, го цитирав Марко Миљанов, што беше оценето дека е недипломатски. Миљанов рече „ако ве нападнат, не одговарајте, бидејќи ако имаат образ, ќе се срамат од тоа што го прават“, рече Кривокапиќ пред пратениците.

Тој додаде дека сака добрососедски односи со Србија.

– Што се однесува до нас, тоа го сторивме. Соработувавме на ниво на министри и буквално нема министер што не ја посетил Србија, освен премиерот, рече Кривокапиќ, додавајќи дека Црна Гора, а не Белград, е татковината на Србите кои живеат во Црна Гора.

Кривокапиќ рече дека големиот број туристи од Србија во Црна Гора е показател дека заострувањето на политичките односи нема да влијае на секојдневниот живот на граѓаните на двете земји.

Демократскиот фронт (ДФ), најсилниот сојуз на владејачкото мнозинство, бара оставка од премиерот Кривокапиќ, а во претходните денови, лидерите на тој сојуз и Кривокапиќ разменија сериозни обвинувања.

Повеќе вести

- Advertisement -spot_img

Најнови вести