18.8 C
Skopje
Wednesday, October 5, 2022

Од полноќ во Хрватска повисоки цени на горивото

Најчитани вести

Цените на моторните горива во Хрватска утре ќе се зголемат, а за да го ублажи нивниот раст, владата ќе ја поправи маржата на трговците со нафта и привремено ќе ги намали акцизите за дизелот и бензинот, изјави премиерот Андреј Пленковиќ на денешната владина седница.

Пленковиќ рече дека владата очекува од утре цената на дизелот да биде 12,53 куни (1,65 евро), бензинот 12,19 куни (1,6 евро) за литар, а синиот дизел 8,04 куни (1,0 евро), пренесува „Хина“.

Ова, според пресметката на порталот „Индекс“, значи дека од полноќ полн резервоар бензин ќе поскапи за 40-ина куни (5,3 евра), дизелот за 60-ина куни (7,9 евра), а автогасот за 25 куни (3,3 евра).

Потсетувајќи дека владата пред еден месец донела уредба за фиксирање на цените на моторните горива, Пленковиќ изјави дека во случај на дополнително замрзнување на цените, многу дистрибутери ќе работат со загуба.

На бензинските пумпи во Хрватска има огромен метеж бидејќи пред полноќ возачите се упатиле да си ги наполнат резервоарите, јавуваат тамошните медиуми.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com