3 C
Skopje
Thursday, March 4, 2021

Од денес брзи антиген тестови и на Меѓународниот аеродром Скопје

Најчитани вести

Од денеска брзи антиген тестови се достапни и на Меѓународниот аеродром Скопје, соопшти ТАВ Македонија, која управува со аеродромите во земјава. Резултатите ќе се добиваат за 15-20 минути.

„Со цел да одговориме на најновите рестрикции за патување воведени поради КОВИД-19 од страна на земјите од ЕУ/Шенген зоната (http://skp.airports.com.mk/en-EN/media-centre/announcements/page/-covid-19-announcement-new-restrictions-for-passengers-travelling-to-netherland-germany-and-france-switzerland-), ТАВ Македонија најде решение за барањето за брзи антиген тестови направени непосредно пред заминувањето на патникот“, соопшти компанијата.

Така, почнувајќи од денес, лабораторијата „Жан Митрев” ќе распореди свое мобилно амбулантно возило за тестирање пред терминалната зграда на Меѓународниот Аеродром Скопје, во близина на единствениот отворен влез за патници „Departures C“, каде што патниците ќе можат да го извршат потребниот брз антиген тест и да го добијат резултатот за 15 до 20 минути од земањето примерок.

Од Тав Македонија појаснуваат дека подвижното возило за тестирање на „Жан Митрев” Лабораторијата за генетика и персонализирана медицина и Центарот за истражување применета микробиологија и биотехнологија, ќе биде присутно на Меѓународниот Аеродром Скопје, в недела (24.01.2021), од 9 до 15 часот, следејќи го редовниот дневен распоред на летови.

„Целта е да им се обезбеди опција на нашите патници кои заминуваат кон дестинациите во Германија, со цел тие да имаат доволно време да извршат брз антиген тест, пред да влезат во зградата на аеродромот и да почнат со аеродромските процедури, ако тестот веќе не го направиле пред нивното пристигнување на аеродромот“, се вели во соопштението објавено на интернет страницата на скопскиот аеродром.

Како што се додава, подвижното амбулантно возило за брзо антиген-тестирање на лабораторијата „Жан Митрев”, ќе биде присутно на скопскиот аеродром и во следните денови, следејќи ги времињата на летовите до дестинациите/земјите коишто ги воведоа новите ограничувања за патување.

Од ТАВ Македонија апелираат патниците кои ќе се одлучат да направат брз антиген тест на Меѓународниот Аеродром Скопје, со цел да не се создава метеж пред аеродромската зграда, да пристигнат на аеродром навреме, најмалку 3 часа пред времето на полетување.

Инаку, компанијата завчера објави дека од 24-ти јануари, Холандија бара негативен брз антиген тест не постар од 4 часа пред качување во авион, како дополнување на нивното барање за негативен PCR-тест кое е валидно од 29-ти декември 2020 година (следниот лет од скопскиот аеродром до Ајндховен е на 29 јануари); Германија бара негативен КОВИД-19 тест не постар од 48 часа и притоа ги прифаќа следните тестови: PCR, LAMP (loop-mediated isothermal amplification), TMA (transcription-mediated amplification) и брзи антиген тестови одобрени од СЗО; Франција бара негативен PCR-тест не постар од 72 часа.

Повеќе вести

- Advertisement -

Најнови вести