Home » Обвинителство отвори истрага против градоначалникот на Петровец

Обвинителство отвори истрага против градоначалникот на Петровец

by Журнал.мк

Јавното Обвинителство отворило истрага против градоначалникот на Општина Петровец, Борче Митевски, и неговиот брат под сомнение за злоупотреба на службена должност и перење пари.

Според информациите од ЈО, Митевски е осомничен дека во период од 2012 до 2018 година потпишал 24 фиктивни фактури во вредност од половина милион евра на фирмите чијшто вистински сопственик е неговиот брат.

Случајот со поднесена кривична пријава го започна Управата за финансиската полиција, чиј директор Арафат Муареми, тврди дека братот на градоначалникот е вистински сопственик и овластен потписник на банкарските сметки на фирмите „Аце транс компани“ и „Леома транс “ ДОО Скопје. Проблематично е и тоа што во јавната набавка компанијата лажела дека поседува техничка опрема за да се стекне со право да учествува во тендерот.

Од опозициската ВМРО-ДПМНЕ пред локалните избори, по отворањето на случајот од страна на Финансиска полиција, рекоа дека Обвинителството за организиран криминал и корупција веќе го има истражено овој случај воп 2017-2018 и дека бил затворен како чист.

Јавното обвинителство за гонење на организиран криминал минатиот месец отворило истрага против градоначалникот Митевски, вработен во општината, братот на градоначалникот и управител на една од фирмите за кои постои основано сомнение дека преку нив биле издавани фиктивни фактури.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More