Обвинение за жената која со секира го уби сопругот

0
1

Скопското обвинителство поднесе обвинение за убиство против педесетгодишната жена која го уби својот сопруг во Студеничани.

– Обвинетата на 1 мај во својот дом во Студеничани, при вршење семејно насилство, со умисла го лишила од живот својот сопруг. По претходна расправија, таа ја зела секирата која била во близина и во дворот на семејната куќа му задала три удари со сечивото на сега починатиот, стои во соопштението на Обвинителството.

Со поднесување на обвинението, јавниот обвинител до судот достави и предлог за продолжување на веќе определената мерка притвор бидејќи ценеше дека постои опасност од криење и бегство на обвинетата.