5.8 C
Skopje
Wednesday, October 5, 2022

Нов телескоп открива судири на мртви сонца познати како неутронски ѕвезди

Најчитани вести

Астрономите за прв пат можат да детектираат судири на мртви сонца познати како неутронски ѕвезди, благодарение на моќниот нов телескоп, јавува Би-Би-Си.

Добивај вести на вибер
Судирите на неутронските ѕвезди се клучни за нашето разбирање на универзумот. Се смета дека тие ги создале тешките метали кои формирале ѕвезди и планети како нашата, пред милијарди години.

Светлината од судирот е видлива само неколку ноќи, па телескопот мора да се „трка“ за да ги лоцира. Астрономите забележале еден од овие судири во 2017 година, но наишле на овој феномен од чиста среќа.

Британците ја изградија оптичката минлива опсерваторија на гравитационите бранови (ГОТО), лоцирана високо над облаците на вулканскиот шпански остров Ла Палма, сега ќе биде фокусирана на систематско следење на неутронските ѕвезди.

„Кога има откритие, сè мора да биде подготвено за да се искористи максимумот од тоа“, изјави професорот Дени Стигс од Универзитетот во Ворвик.

Тој додаде дека брзината е од суштинско значење.

„Бараме нешто што е многу краткотрајно – нема многу време да исчезнат“, вели тој.

Неутронските ѕвезди се толку тешки што мала лажичка од нивниот материјал тежи четири милијарди тони.

Телескопот им овозможува на астрономите ефективно да навлезат во една таква ѕвезда и да откријат што има внатре.

Неутронска ѕвезда е всушност мртво сонце кое се распаднало под својата огромна тежина, здробувајќи ги атомите кои некогаш ја правеле да свети. Тие имаат толку силна гравитација што се привлекуваат едни со други. На крајот тие пропаѓаат и се спојуваат.

Кога тоа ќе се случи, тие создаваат блесок на светлина и моќен ударен бран низ вселената.

Ударниот бран, наречен гравитациски бран, го искривува просторот. Откако ќе биде откриен на Земјата, новиот телескоп влегува во акција за да ја пронајде точната локација на судирот на неутронската ѕвезда.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com