Најмалку три лица биле повредени откако украинската противвоздушна одбрана спречила руски воздушни напади врз Одеса. Целта била цивилна инфраструктура. Оштетени се студентски дом и супермаркет.
„Имаше жена на скалите облеана во крв. Таа беше облечена во панталони. Беше невозможно да се види што има таму. Двајца беа оперирани, а еден беше на интензивна нега“, изјави локална жителка.
„Бев во спалната соба, се потпрев на ѕидот. Ме спаси тоа што имав ролетни на прозорците. Имам изгореница – веројатно од некаков шрапнел. Ме спаси Господ“, вели друга жителка.
„Удри во дворот и целото семејство загина. 12-годишно момче беше тешко повредено. За жал, тој почина во болница. Имало и бебе од само 23 дена, кое починало на лице место со мајката и таткото. Во овој страшен терористички напад загинале 5 лица“, изјави Олександр Толокоников од Регионалната државна управа Херсон.
Рускиот министер за одбрана Шојгу во рамки на Меѓународниот армиски форум истакна дека е света должност да се зачува историската вистина во однос на придонесот во соборувањето на нацизмот.
„Охрабрувачки е што продолжуваме целосно да се поддржуваме меѓусебно и да се ангажираме во духот на стратешко партнерство наспроти невидената кампања за санкции што ја води целиот запад против нашите влади“, изјави Сергеј Шојгу, министер за одбрана на Русија.
Зеленски се закани со одмазда откако Москва обвини за украински гранатирања и напади со беспилотни летала на руска територија.
„Руските окупатори брутално ја погодија областа Херсон. Има мртви и повредени. Мое сочувство. Отприлика во исто време, селото Станислав беше гранатирано. Има 17 пријави за гранатирање, изјави украинскиот претседател Володимир Зеленски.
Претходно, предупредувачки истрели од руска морнарица кон товарен брод во Црно Море што пловел кон Украина. Инцидентот се случува откако Русија минатиот месец се повлече од договорот за жито.
