13 C
Skopje
Saturday, May 8, 2021

Нови насилни протести во Холандија поради полицискиот час

Најчитани вести

Холандската полиција уапси 70 лица откако избувнаа нови немири трета ноќ по ред за време на протестите за одлуката на владата за воведување полициски час. Сепак, причините за вандализмот виден од Ротердам до Амстердам веќе не се толку јасни, особено што демонстрантите се тинејџери, пренесува „Ројтерс“.

Полицијата во Ротердам дури испукала неколку предупредувачки истрели и употребила солзавец.

Немирите започнаа минатиот викенд кога луѓето излегоа на улиците во знак на протест против новите построги мерки во борбата против коронавирусот.

Началникот на полицијата Вилијам Велдерс изјави дека околу 70 лица биле уапсени синоќа до 22 часот, а водени топови биле користени против демонстрантите во Ротердам, додека солзавец бил употребен во Харлем за да се растера толпата.

Полицијата додаде дека напишале скоро 6.000 казни за кршење на забраната за движење во периодот од 21.00 до 4.30 часот.

Немирите на протестите од претходните денови во Холандија според многумина се најлошите сцени на насилство во таа земја во последните четири децении. Досега полицијата уапси околу 250 лица низ целата земја.

Повеќе вести

- Advertisement -spot_img

Најнови вести