Home » Николоски од Стразбур: Македонија да почне преговори со ЕУ достоинствено, како Македонци со македонски јазик

Николоски од Стразбур: Македонија да почне преговори со ЕУ достоинствено, како Македонци со македонски јазик

by Журнал.мк

Потпретседателот на ВМРО-ДПМНЕ, Александар Николоски во следните два дена во рамки на Советот на Европа ќе има бројни средби во кои, како што најави, ќе разговара со бројни пратеници од сите европски држави за интересот и за потребата на Македонија да почне преговори за членство со ЕУ на достоинствен начин.

„ Македонците да почнат преговори за членство со ЕУ како Македонци. Македонскиот јазик да биде признаен како македонски јазик, односно да се отфрлат тешките барања кои што ги поставува Бугарија и која што става вето на почетокот на преговори на Македонија со ЕУ.

Она што го гледам изминативе денови е целосен дебакл на македонската дипломатија. Затоа што дозволија еден документ кој што е во целосно спротивно на македонските национални интереси веќе да циркулира во европските главни градови и за него да се разговара. Тоа е катастрофален документ. Тоа е документ кој што значи поништување на Македонија, и на македонскиот народ и на македонскиот јазик. Останува нејасно зошто има целосен молк од страна на Владата, премиерот Ковачевски, и министерот Османи. Единствениот логичен одговор е затоа што на тоа се согласиле“ изјави Николоски.

Тој повика да се отфрли тој документ и рече дека јасно кажуваат од Стразбур дека ВМРО-ДПМНЕ нема да прифати ниеден документ кој што задира во македонскиот јазик, македонскиот народ и македонската самобитност. Ние можеме да стигнеме до европските вредности на правилен начин, а не со понижување и со уцени, порача тој.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More