Мелничарите треба да одговорат со аргументи за поскапувањето на лебот, праша министерот за земјоделство Љупчо Николовски. Цените на житото на светските пазари се преполовени, а мелничарите се снабдија навреме со суровини по цена од 11 денари.
Владата денеска донесе три нови мерки: субенција по три денари по килограм поддршка за остварено и предадено на пченица за произведен домашен сертифициран семенски материјл од прва и втора генерација на печеница и јачмен како и поддршка за домат и краставица.А на пазарите цените на доматите, краставците и пиперките достигнуваат и до сто денари за килограм, а во маркетите цената за килограм пиперки стигнува и до 120 денари. Лубеницата е 35 денари кило додека дињата над 100 денари. Граѓаните реагираат дека за овошје и зеленчук што е одомаќинете за овој простор цените се превисоки.
