2.8 C
Skopje
Thursday, October 28, 2021

Не мислев дека ќе изгледам вака одлично на 80 години, вели Тина Тарнер за 80. роденден

Најчитани вести

„Се чувствувам како да сум добила втора шанса во животот“, вели музичката легенда Тина Тарнер, која денеска полни 80 години.

Таа зад себе има блескава 60-годишна кариера, во која продаде над 200 милиони албуми.

„Тина стана ѕвезда во нејзините 20-ти години со Ајк Тарнер, избега од неговите малтретирања во 30-ти, стигна до врвот на светските топ-листи во 40-ти, го помина светот со турнеи во нејзините 60 години и сега би сакале да поспие“, напиша неодамна „Њујорк тајмс“.

Но, во изминатите години, Кралицата на рокенролот имаше здравствени проблеми: борба со ракот и трансплантација на бубрег.

„Имам 80 години. Како мислев дека ќе изгледам на 80 години? Не вака. А, изгледам одлично! Се чувствувам добро. Поминав низ некои сериозни здравствени проблеми, но тоа е како да добив втора шанса за живот. Среќна сум што сум 80-годишна“, изјави Тарнер.

Тина Тарнер со вториот сопруг Ервин Бак, кој ѝ донирал бубрег во 2017 (Фото: Гети)

Легендарната пејачка признава дека „медицинската авантура е далеку од завршена“.

Во 2013 имаше мал мозочен удар, па морала да учи одново да оди. Три години подоцна добила дијагноза дека ѝ откажува еден бубрег и дека има рак на дебело црево. Докторите ѝ отстраниле дел од дебелото црево, но проблемите со бубрегот се влошиле и вели дека дури размислувала за евтаназија. Но, нејзиниот втор сопруг Ервин Бак ѝ донирал бубрег, па Тарнер имала успешна трансплантација во април 2017.

Пејачката од 1995 живее со Бак во Цирих. Последниот концерт го одржа во 2009 и, како што изјави неодамна за „Њујорк тајмс“, доста ѝ е од настапи.

„Се качив во авион, издишав длабоко и си реков: ‘Готово е’“, вели таа.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com