4.1 C
Skopje
Friday, December 3, 2021

На Германија ѝ требаат 400.000 имигранти годишно поради недостиг од работна сила

Најчитани вести

Претседателот на германската агенција за вработување, Детлеф Шеле, упати итен апел до владата во Берлин, во кој предупреди дека земјата има потреба од 400.000 имигранти годишно поради недостиг од работна сила, што е многу повеќе отколку во претходните години.

„Како резултат на демографскиот развој, бројот на потенцијално работоспособното население ќе се намали за 150.000 оваа година. Во наредните години ќе биде многу подраматично“, изјави Шеле за Зидојче цајтунг.

Според него, Германија би можела да го реши проблемот доколку обучи неквалификувана работна сила и ако на оние што работат со скратено работно време, а не го сакаат тоа, им дозволи да работат подолго, но пред сѐ ако донесат работна сила од странство.

„Ни требаат 400.000 имигранти годишно, значи многу повеќе отколку во претходните години. Од негуватели, преку монтери на клима-уреди, до логистичари и факултетски образовани луѓе. Ќе има недостиг од работна сила во сите области“, изјави првиот човек на Агенцијата за вработување.

Шеле во последните неколку дена постојано укажува на лошата состојба во обучувањето на работната сила.

„Многумина обучени и работодавци едноставно не се пронаоѓаат“, вели Шеле.

Тој предупреди дека овој тренд сѐ повеќе се влошува, така што дури 31 процент од луѓето што се пријавиле за обука досега биле без работа, додека во исто време, 40 проценти од местата за обука се непополнети.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com