Home » НАЈПРИВЛЕЧНАТА И НАЈШАРМАНТНА ДВОЈКА НА „ОХРИД ФЕСТ“ Марјана Станојковска и Васил Зафирчев, домаќини на Интернационалната вечер

НАЈПРИВЛЕЧНАТА И НАЈШАРМАНТНА ДВОЈКА НА „ОХРИД ФЕСТ“ Марјана Станојковска и Васил Зафирчев, домаќини на Интернационалната вечер

by Журнал.мк

Во многуте традиции што за време на своето постоење ги создаде „Охрид-фест“, најомилена е водителската двојка на Интернационалната вечер, Марјана Станојковска и Васил Зафирчев.

Тие двајцата едноставно се толку уиграни, така привлечно доминираат на сцена што се разбираат и со поглед. Плус, фантастично танцуваат и се големи љубители на музиката.

„За мене е задоволство и уживање повеќегодишната соработка со „Охрид -Фест“, фестивалот кој речиси три децении континуирано ја негува македонската народна и забавна музика, ги обединува најзначајните музички имиња од регионот, гради музички мостови на пријателство, им дава одлична можност за промоција на младите, а воедно ги афирмира и промовира вечните убавини на Охрид и на Македонија“, вели Зафирчев и додава: „Со прекрасната Марјана не врзува долгогодишно пријателство и соработка, а покрај модерацијата, нѐ обединува и љубовта кон музиката и танцот. Се радувам што и годинава заедно со неа ќе бидеме домаќини на Интернационалната вечер на фестивалот и ќе се дружиме со изведувачите и публиката на сцената на „Долни Сарај“.

Истото мислење го дели и Марјана и потврдува дека таа и Васил се супер тим.

„Ми одговара неговата енергија, неговиот сензибилитет, одлично се согласуваме. Тој е првенствено голем уметник, кој поседува извонреден талент и за сценски движења, токму затоа и кога се подготвуваме за „Охри фест“ одлучуваме да вметнеме некоја интересна танцова кореографија со која ќе ја изненадиме публиката. Да се работи со него претставува вистинска чест и задоволство. Патем, многу ја сакам музиката и се радувам на „Охрид фест“, бидејќи е единствен фестивал што гради регионални мостови на музиката и како што потенцира уметничкиот директор на Интернацоналната вечер, Горан Шарац, „Охрид- фест“, тоа е како Евровизија на Балканот. Се гледаме на 3 септември во Охрид!“

You may also like

This website uses cookies to improve your experience. We'll assume you're ok with this, but you can opt-out if you wish. Accept Read More

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk