8.8 C
Skopje
Sunday, November 28, 2021

Над 56 кг. разни видови дрога се откриени и одземени годинава во Тетовско и Гостиварско

Најчитани вести

За девет месеци во 2021 на тетовското подрачје од сторилите на кривични дела откриени се и одземени се вкупно 56,5 килограми дрога – марихуана, хеорин, хашиш и други видови, покажува статистичката анализа на податоците во тетовската полиција. При тоа СВР Тетово на тетовското подрачје бележи 48 кривична дела од областа на недозволена трговија со дрога.

-Откриените дела се за 25 проценти повеќе во споредба со истиот период лани. Овие кривични дела се целосно расчистени и заокружени со 40 кривични пријави поднесени до Основните обвинителства во Тетово и Гостивар. Во овие кривични дела опфатени со пријави вкупно биле инволвирани 55 сторители, на различна возраст, во најголем број машки лица, информира Марјан Јосифоски, портпарол на СВР Тетово

Статистичката анализа на податоците од област покажува дека најголем дел од кривичните пријави се однесувале на „неовластено производство и пуштање во промет на наркотични дроги, психотропни супстанци и прекурсори”, додека помал број се однесувале на „овозможување на употреба на наркотични дроги, психотропни супстанци и прекурсори”. Меѓу пријавените во овој период се среќаваат и повторници, но и малолетници.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com