24.8 C
Skopje
Tuesday, May 24, 2022

Над милион нови мигранти поради сушата во Сомалија

Најчитани вести

Меѓународната организација за миграција (ИОМ) предупреди дека меѓу 1,3 и 1,4 милиони луѓе би можеле да ги напуштат своите домови за шест месеци доколку не се преземат мерки против сушата во Сомалија, каде водните ресурси постепено се намалуваат.

ИОМ објави податоци за ситуацијата кога е во прашање сушата која се прошири низ Сомалија и препорача на владата да прогласи вонредна состојба. Забележано е дека водните ресурси и бунарите пресушија еден по еден во земјата со најголем недостиг на вода во последните 40 години. Се наведува дека проблемот со водата досега негативно засегна 3,2 милиони луѓе во државата.

Се проценува дека „помеѓу 1,36 и 1,4 милиони луѓе би можеле да ги напуштат своите домови за шест месеци” доколку не се обезбеди вода и основна помош во храна во регионите погодени од сушата.

Координаторот за вонредни ситуации на ИОМ во Сомалија, Мохамед Абделазим, рече дека доколку се интервенира сега, тоа би можело да спречи повеќе луѓе да ги напуштат своите домови. Тој нагласи дека ИОМ ќе испрати камиони за вода и хигиенски материјали во 103 различни региони во Сомалија. Абделазим посочи дека принудните миграции поради сушата може да предизвикаат прекумерен пораст на населението во големите градови и да го доведат здравствениот систем во тешка ситуација. Абделазим очекува дека брзата помош, која е планирана за речиси 255.000 луѓе, ќе пристигне на дестинацијата до крајот на март.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com