85
За време на натпреварот Македонија – Гибралтар што се играше вчера, навивач влета на теренот за да направи селфи со Елиф Елмас. Тој помина покрај обезбедувањето, претрча скоро пола терен и стигна до Елмас. Додека пробуваше да се слика, обезбедувањето го фати и го исфрли од теренот.
За потсетување, македонската фудбалска репрезентација го победи Гибралтар 4-0 во Скопје. Ова беше натпревар од четвртото коло од Лигата на нации во јунскиот термин. Во првото коло Македонија играше нерешено со Бугарија, па победи во Гибралтар, а во третото коло дома загуби од Грузија. Следните натпревари од квалификациите ќе се играат во септември.
