17.8 C
Skopje
Sunday, July 25, 2021

Мухамед Али Јашари кој беше убиен обидувајќи се да го спаси соученикот, на предлог листата со имиња за улици и други објекти

Најчитани вести

На листата на имиња на улици, плоштади, мостови и други објекти на Град Скопје, се најде и името на матуранотот Мухамед Али Јашари кој  почина во април 2011 кога се обиде да го спаси својот соученик Дарко, кој беше нападнат од група ученици во дворот на училиштето „Здравко Цветковски“.

За убиството на Јашари на 13 години затвор беше осуден Петар Маневски, кој со удар од камен ја предизвика смртта на матурантот.

Во 2013 беше покрената кампања на Фејсбук во која беа повикани кандидатите за градоначалници во Скопје да изградат споменик во чест на еден млад етнички Албанец, што беше убиен додека се обидувал да го заштити својот пријател Македонец од напаѓачи. „Чувањето на сеќавањето на делото на загинатото момче, игнорирано од сите релевантни државни институции што можат да му дадат заслуга, ќе придонесе за единство меѓу сите луѓе кои живеат во Скопје и во Македонија….Пред вториот круг од локалните избори, што треба да се одржат на 7 април, да дадат ветување дека ќе изградат најмалку скромен споменик во знак на сеќавање на херојството на 19-годишниот Мухамед Али Јашари.“, пишуваше на страницата на Фејсбук, креирана за оваа кампања. ***

Градоначалникот Петре Шилегов објави какви би биле промените. Со усвојувањето на ова дополнување, постоечкиот регистар на имиња се предлага да биде дополнет со вкупно 571 име

„Советот на Град Скопје на претстојната седница ќе расправа за дополнување на Листата на имиња на улици, плоштади, мостови и на други инфраструктурни објекти на подрачјето на Град Скопје.

Листата опфаќа имиња на истакнати личности од областа на градското, националното и светското културно и историско наследство, поважни настани од македонската и светската историја, имиња дадени според топоними на градови во земјата и регионот и други имиња.

Со ова дополнување на листата предвидено е да се зголеми бројот на имиња на женски личности и настани кои оставиле белег во историски и културен контекст, како и на припадниците на немнозинските заедници кои живеат во Скопје, но и на бројот на топоними со регионално и светско значење. Од вкупно 571 име, 479 се имиња на истакнати личности од кои 79 се имиња на жени, додека пак останатите 92 имиња се имиња на поими кои означуваат поважни настани, топоними и други поими.

Во дополнувањето на листата вратени се и имињата на улиците од периодот на солидарноста и изградбата на повоено Скопје, а кои беа отстранети со претходни одлуки на Советот на градот.

Повеќе вести

- Advertisement -spot_img

Најнови вести