21.8 C
Skopje
Monday, August 2, 2021

Модуларната болница се подготвува за вакцинацијата, ќе се работи во две смени

Најчитани вести

Во Модуларната болница во Клиничкиот центар во тек се подготовките за почеток на вакцинацијата против ковид-19 којашто треба за започне во среда, објави министерот за здравство, Венко Филипче.

Како што објави Филипче на Фејсбук, вакцинацијата ќе се одвива на пет вакцинални позиции, а во тимовите за имунизација има медицински сестри и лекари, а модуларната болница ќе работи во две смени од 8 до 20 часот.

Првата пратка од 4.680 вакцини од предвидените 8.000 вакцини на компанијата „Фајзер“ кои се донација од Србија пристигна вчера во земјава. Кон средина на месецов се очекуваат и 200 илјади вакцини од кинеската компанија „Синофарм“. Во земјава треба да пристигнат и дополнителни дози од „Фајзер“ кои се обезбедени од директните преговори со компанијата, како и дози преку Ковакс системот.

Според Националниот план за имунизација на населението, вакцинацијата ќе се одвива во три фази. Во првата фаза, предвидено е да се вакцинираат здравствените работници кои се во првата линија на одговор во болнички услови со висок и многу висок ризик за стекнување и пренесување на инфекција. Во оваа фаза, предвидено е да се вакцинираат и постари возрасни лица со висок ризик да развијат болест, компликации и смртен исход, дефинирани со ризик врз основа на возраст, и лица постари од 70 години.

Повеќе вести

- Advertisement -spot_img

Најнови вести