Според досегашните информации на Министерство за надворешни работи во трагичната железничка несреќа, која што синоќа се случила близу градот Лариса во Грција, нема повредени или загинати македонски државјани. МНР, е отворено да реагира на барање на наши државјани на кои поради какви било причини предизвикани од несреќата им е потребна итна асистенција и информира дека на располагање се три броја телефонски броеви: +30 6655191321 во Атина; +30 6987200410 во Солун; како и СОС телефонот на МНР во Скопје +38975273732..
Од МНР додаваат дека македонската Амбасада во Атина и Генералниот конзулат во Солун се во комуникација со надлежните органи во Грција, од каде се чекаат и официјални информации за состојбата околу трагичната несреќа.
Министерството информира дека нивните контакти се отворени 24 часа.
