17.8 C
Skopje
Friday, September 30, 2022

МНР апелира до македонските државјани да ја напуштат Русија

Најчитани вести

Македонското министерство за надворешни работи повикувајќи се на одлуката на Европската Унија и други европски земји, вклучувајќи ја и Република Северна Македонија, за затворање на Европскиот воздушен простор за руските авиопревозници, апелира македонските државјани кои престојуваат на територијата на Руската Федерација, да ги искористат се уште расположливите комерцијални летови, копнени и морски линии за напуштање на таа земја.

„Ваквото предупредување следува поради можноста да дојде до целосен прекин на авио линиите од и кон Русија. Соодветно, ги повикуваме сите државјани на Северна Македонија кои во претстојниот период планираат посета на Руската Федерација, да се воздржат од патувања кон истата“,соопштуваат од МНР.

Од министерството наведуваат дека ги известуваме граѓаните, кои се наоѓаат во или надвор од државата, да ги следат и да се информираат само од официјалните канали на информирање кои доаѓаат од Министерството за надворешни работи, социјалните мрежи на Министерството и Амбасадата на Република Северна Македонија во Москва.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com