17.8 C
Skopje
Friday, September 30, 2022

Мистериозни закани со бомби во црногорските училишта

Најчитани вести

Дојави за бомби се испратени на имејл адресите на десетици директори на основни училишта во Црна Гора. Училиштата се евакуирани, се вели од црногорското Министерство за просвета, наука, култура и спорт. Откако учениците и наставниците се засолнети на безбедно, почната е потрага по експлозивен материјал во училиштата.

„Управите и наставниот кадар на училиштата во кои полицијата презема активности соработуваат со полицијата и ги известија родителите. Потребно е родителите да останат во комуникација со наставниот кадар и управите на училиштата заради продолжување на наставниот процес по завршување на полициските активности“, соопшти Управата на полицијата на Црна Гора.

Што се крие зад заканите со бомби, засега е нејасно. Претседателот на Црна Гора, Мило Ѓукановиќ, ги повика надлежните институции итно да ги расветлат заканите и да ги пронајдат налогодавците, организаторите и извршителите. Тој на Твитер го поврза овој настан со претстојниот избор на новата влада, кој е закажан за утре (28.04).

Не смееме да дозволиме образованието „да трпи поради оние кои имаат намера да предизвикаат вонредни ситуации и да ја дестабилизираат државата во пресрет на изборот на нова влада, на прагот на туристичката сезона“, напиша Ѓукановиќ.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com