23 C
Skopje
Tuesday, May 11, 2021

Министерот Османи во посета на Грција

Најчитани вести

Министерот за надворешни работи Бујар Османи денеска ќе престојува во работна посета на Грција, на покана на својот домаќин, шефот на грчката дипломатија Николаос Дендиас.

На средбата меѓу двајцата министри, како што соопшти МНР, ќе бидат отворени теми поврзани со билатералните односи, интензивирање и продлабочување на политичкиот дијалог во различни области, како и Акцискиот план за соработка и имплементацијата на Договорот за стратешко партнерство (Преспа).

Предвидено е потпишување на неколку меѓународни документи, со кои дополнително ќе се збогати договорната рамка меѓу двете држави, се вели во соопштението.

Османи ќе биде примен од претседателот на Хеленската Република Катерина Сакеларопулу и од премиерот Кирјакос Мицотакис.

Во рамките на средбите ќе бидат отворени темите за унапредување на економско-трговската соработка меѓу двете земји, стратешките проекти за поврзување со гас и со гориво, како и учеството на Северна Македонија во гасниот терминал „Александрополис“ во Грција, стои во соопштението на МНР.

Предвидено е да се разговара и за политичките актуелности во регионот и регионалната соработка, особено за неговата европска и евроатлантска перспектива, и поддршката што Грција ѝ ја дава на Северна Македонија во тој контекст.

Повеќе вести

- Advertisement -spot_img

Најнови вести