14.8 C
Skopje
Thursday, October 6, 2022

Министерката Петровска во Лондон на средба со британскиот министер за одбрана Бен Валас

Најчитани вести

Министерката за одбрана Славјанка Петровска, заедно со делегација од Министерството, престојува во официјална посета на Обединетото Кралство и на британското Министерство за одбрана.

Во Лондон, министерката Петровска ќе се сретне со нејзиниот домаќин, министер за одбрана на Обединетото Кралство, Бен Валас.

На официјалната средба ќе и претходи церемонија за пречек со високи воени почести, во чии рамки британскиот воен оркестар ќе ја изведе и македонската песна „Јовано, Јованке“, соопшто МО.

Петровска во рамките на посетата ќе се сретне и со генерал потполковник Роберт Магован, заменик-командант на Стратегиската команда, како и со Дејвид Куари, заменик-национален советник за безбедност.

Во пресрет на официјалната посета, вчера министерката Петровска во Лондон се сретна со специјалниот претставник на Обединетото Кралство за Западен Балкан, сер Стјуард Пич, а учествуваше и на тркалезна маса посветена на современите безбедносни предизвици и нивното влијание врз Западниот Балкан, организирана од кралскиот институт РУСИ (The Royal United Services Institute). Петровска се сретна и со Алисиа Херберт, специјална пратеничка на министерката за надворешни работи и министерка за жени и еднаквост во британската влада, Лиз Трас, а во британскиот Парламент имаше и работна вечера со Мартин Викерс, член на Парламентот и претседавач на сепартиската парламентарна група за Северна Македонија.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com