Home » Меч со огромен влог: Кој оди во Катар, Австралија или Перу?

Меч со огромен влог: Кој оди во Катар, Австралија или Перу?

by Журнал.мк

Останаа уште две празни места за Мундијалот – едното ќе биде пополнето в понеделник од 20.00, а последното ден подоцна. За претпоследното место на Светското првенство во Катар, в понеделник од 20:00 часот ќе се борат  Австралија и Перу, додека последниот учесник на Мундијалот ќе биде одлучен ден подоцна, исто така во Катар со дуелот меѓу Костарика и Нов Зеланд. Двете средби се играат во рамките на Интерконтиненталниот плеј-оф.

Препрека по препрека минуваа репрезентативците на Австралија, зад себе имаат дури 15 натпревари (дел во квалификациите на Азија, дел во континенталниот плеј-оф со Обединетите Арапски Емирати), а уште не се завршени квалификациите за Мундијалот. Последниот предизвик ги чека во Катар, каде што ќе се судрат со Перу, петтопласираната селекција во јужноамериканските квалификации. Победникот добива виза за Мундијалот и место во групата со ФранцијаДанска и Тунис. Поразените нема да имаат нова шанса.

„Кенгурите“ минатиот вторник со гол во финишот ги совладаа Обединетите Арапски Емирати со 2-1 и заслужено изборија меч со Перу, додека Јужноамериканците последната официјална средба ја одиграа во март, а како подготовка имаа тест со Нов Зеланд. Во него славеа со 1-0, со голот на Џанлука Лападула пред крајот на мечот.

Претходниот меѓусебен дуел на двете репрезентации беше во 2018 на Светското првенство во Русија. Ждрепката ги стави во иста група, а Перу славеше со 2-0 со голови во двете полувремиња. И овојпат поголеми шанси се даваат на екипата на аргентинскиот тренер Рикард Гареке, кој во 2019 со Перу беше втор во Јужна Америка, а во 2015 трет. Веќе седум години е на клупата и со селекцијата учествуваше на Мундијалот во Русија.

Сепак, не ги чека лесна задача. Веруваме во тврд натпревар, каде што победникот ќе биде одлучен во вториот дел, а можеби и по истекот на деведесет минути…

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More