7.8 C
Skopje
Monday, December 6, 2021

Мас ја изрази германската поддршка кон Македонија на патот кон ЕУ

Најчитани вести

Германија ќе даде свој придонес за продолжување на патот на Македонија кон ЕУ, објави денеска германскиот министер за надворешни работи, Хајко Мас, пред да замине за Скопје.

– Северна Македонија припаѓа цврсто на Европа. Ние сакаме ЕУ да го одржи својот збор кон Северна Македонија и Албанија. Земјата постигна историски договор со Грција. Германија ќе придонесе за продолжување на овој пат. Не станува збор само за кредибилитетот на ЕУ, туку и за нашиот стратешки интерес за стабилен и безбеден регион во срцето на Европа – се вели во неговото соопштение.

Мас вели дека заедничка цел е да се започнат преговори што е можно поскоро.

– Ова ќе го разговарам денес со мојот колега од Северна Македонија, Никола Димитров. Со нетрпение очекувам да разговарам и со премиерот Заев и претседателот Стево Пендаровски. Сега е важно да се пристапи кон очекувањата и надежите на граѓаните на Северна Македонија – подвлече тој.

Мас додаде дека патот кон реформите и владеењето на правото мора доследно да продолжи и дека Германија е подготвена да ја поддржи Македонија на нејзиниот пат кон ЕУ.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com