19.8 C
Skopje
Thursday, June 17, 2021

Македонските основци во жирито за најдобар Европски филм за млади

Најчитани вести

Основци од земјава до недела седми пат ќе бидат дел од жири комисијата за избор на најдобар Европски филм за млада публика. Поради актуелната КОВИД-ситуација и годинава процесот ќе се одвива онлајн на веб платформата на EFA Young Audience Award, а учениците, околу 60, на возраст од 12 до 14 години, од неколку основни школи, ќе можат да ги гледаат филмовите со превод на македонски јазик.

По проследувањето на филмовите, како дел од европското жири, тие ќе го дадат својот глас за трите номинирани филмови: „Pinocchio“, „The crossing“ и „Wolfwalkers“, и ќе го изберат својот фаворит.

Во рамки на денот за оценување/гласање, основците ќе имаат можност директно да се запознаат со режисерите и актерите на филмовите, како и да разговараат и да ги споделат своите импресии со своите врсници – членови на жирито од 37 земји од Европа преку платформата International Chat Booth – Hello Europe.

По сумирањето на резултатите од сите 38 земји од Европа, во недела, на 25 април, во 19:00 часот, ќе се одржи церемонијата за доделување на наградата за најдобар филм од млада публика, онлајн на веб страницата на Young Audience Award (https://yaa.europeanfilmawards.eu).

Повеќе вести

- Advertisement -spot_img

Најнови вести