Под отворено небо, на најголемото филмско платно во сараевски Стари град, Македонскиот филм „Кајмак“ беше прикажан на сараевскиот филмски фестивал. Дел од актерите со режисерот Манчевски, продефилираа на црвениот килим на фестивалот, еден од позабележителните во регионот, а до септември следи американска премиера и учество на уште 4 фестивали. Покрај „Кајмак“ во програмата сè уште 14 филмови.
„Кајмак“ ја имаше светската премиера на фестивалот во Токио, потоа продолжи со турнеја во Тајпеј, Португалија, Италија, Бугарија, Србија, каде што беше поздравен со неколкуминутни стоечки овации и бројни написи во локалните медиуми. Филмот ја освои Специјалната награда на жирито на „Фантаспорто“ во Португалија, а Сара Климоска беше прогласена за најдобра актерка на фестивалот во Сомбор, Србија. „Кајмак“ беше најгледан филм во Македонија минатата година. И во Сараево, актерите се потсетуваат на филмските клапи.
Филмот „Кајмак“, копродуциран и од Македонската Радио Телевизија, наскоро ќе ја има и американската премиера, во рамки на 33-тиот фестивал „Синеквест“ во Калифорнија од 15 до 30 август. Станува збор за промоција на веројатно најголемиот независен филмски фестивал на американскиот континент.
